#ড৹ অমিয়া পাটৰক "Best female NSS programme Officer" বঁটাৰে সন্মানিত

#২৭ জুন,২০১৯



নগাওঁ ছোৱালী মহাবিদ্যালয়ৰ অসমীয়া বিভাগৰ মুৰব্বী অধ্যাপিকা ড৹ অমিয়া পাটৰক  "Best female NSS programme Officer" বঁটাৰে সন্মানিত কৰা হয় । যোৱা ২১ জুন ২০১৯ৰ পৰা ২৭ জুন ২০১৯  লৈ  পশ্চিম বংগৰ আসানসোলৰ বানুৱাৰী লাল ভালতীয়া মহাবিদ্যালয়ত  অনুষ্ঠিত হোৱা  NSS ৰ "National Integration Camp" ত "Best female NSS programme Officer Award" লাভ কৰিবলৈ সক্ষম হয় । ড৹ অমিয়া পাটৰৰ নেতৃত্বত যোৱা গুৱাহাটী বিশ্ববিদ্যালয়ৰ অধীনৰ ১০ গৰাকী ছাত্ৰ-ছাত্ৰীয়ে এই "National Integration Camp"ত অংশগ্ৰহণ কৰিছিল । উক্ত অনুষ্ঠানত গুৱাহাটী বিশ্ববিদ্যালয়ৰ অধীনত অংশগ্ৰহণ কৰা ছাত্ৰ-ছাত্ৰী সকলে  বিহু নৃত্য, তিৱা নৃত্য দিহানাম , আধুনিক নৃত্য আদি বিভিন্ন কাৰ্য্যক্ৰমনীকাত অংশগ্ৰহণ কৰিছিল ।  নগাঁও কলেজৰ উজ্জ্বল বৰা আৰু হিমাংশু গায়ন   , নগাঁও ছোৱালী মহাবিদ্যালয়ৰ পৰিশ্মিতা বৰা আৰু ৰিমা শৰ্মা  , প্ৰাগজ্যোতিষপুৰ  কলেজৰ কংকনা মালাকাৰ আৰু নয়নজ্যোতি দাস ,  গুৱাহাটী কমাৰ্চ কলেজৰ অৰিন্দম ফুকন আৰু ভাৰ্জিনিয়া দাস, দিশপুৰ   কলেজৰ প্ৰতিক পাৰ্মে আৰু চুজাতা আখতাৰে  এই অনুষ্ঠানত   গুৱাহাটী বিশ্ববিদ্যালয়ক প্ৰতিনিধিত্ব কৰিছিল । আনহাতে অনুষ্ঠানটোত প্ৰতিক পাৰ্মে ঘোষকৰ দ্বায়িত্ব পালন কৰিছিল । নগাওঁ ছোৱালী মহাবিদ্যালয়ৰ অসমীয়া বিভাগৰ মুৰব্বী অধ্যাপিকা ড৹ অমিয়া পাটৰৰ সফলতাই    নগাওঁ ছোৱালী মহাবিদ্যালয়ৰ লগতে সমগ্ৰ  অসমক  গৌৰাম্বিত কৰিছে  ।