আজি শিক্ষক দিৱস, শিক্ষক দিৱস আৰু ড০ সৰ্বপল্লী ৰাধাকৃষ্ণণ

#৫ছেপ্টেম্বৰ,২০১৯

শিক্ষা আৰু শিক্ষক এই দুইটাকে পবিত্র বুলি গণ্য কৰা হয় । ৫ছেপ্টেম্বৰ শিক্ষক দিৱস ভাৰতৰ প্ৰক্তন ৰাষ্ট্ৰপতি , কৃত্তী  শিক্ষক ,প্ৰখ্যাত দাৰ্শনিক ড° সৰ্বপল্লী ৰাধাকৃষ্ণণৰ জন্ম দিনটো শিক্ষক দিৱস হিচাপে পালন কৰা হয়। ড° সৰ্বপল্লী ৰাধাকৃষ্ণণৰ জন্ম হৈছিল ১৮৮৮ খ্ৰীষ্টাব্দৰ ৫ ছেপ্তেম্বৰ তাৰিখে মাদ্ৰাজৰ তিৰুটানি নামে ঠাইত । তেওঁ দেউতাকৰ নাম আছিল বীৰা স্বামী আৰু মাতৃৰ নাম সীতামা । ৰাধাকৃষ্ণণে  ৮ বছৰ বয়স লৈকে নিজ গৃহত  পিতৃ-মাতৃৰ তত্বৱধানতে প্ৰাথমিক শিক্ষা গ্ৰহণ কৰিছিল । তাৰ  পিছত ১৮৯৬ চনত ৰাধাকৃষ্ণণক তিৰুপটিৰ লুথেৰান মিছন স্কুলত নামভৰ্ত্তি কৰে । ১৮৯৬ চনৰ পৰা ১৯০০ চনলৈকে লুথেৰান মিছন স্কুলত শিক্ষা লাভ কৰাৰ  পিছত ৰাধাকৃষ্ণণে ১৯০০ চনত ভেলোৰ কলেজত নামভৰ্ত্তি কৰে আৰু   ১৯০৪ ৰ পৰা ১৯০৮ চনলৈ মাদ্ৰাজ খ্ৰীষ্টিয়ান কলেজত দৰ্শন শাস্ত্ৰ অধ্যয়ন কৰে। ১৯৫২ চনৰ পৰা ১৯৫৬ চনলৈ  পোন প্ৰথম বাৰৰ বাবে ভাৰতৰ  উপ-ৰাষ্ট্ৰপতি হিচাপে নিৰ্বাচিত হয় আৰু ১৯৫৭ চনৰ পৰা ১৯৬২ চনলৈ দ্বিতীয় বাৰলৈ ভাৰতৰ উপ-ৰাষ্ট্ৰপতিৰ হিচাপে নিৰ্বাচিত হয় ।  ১৯৬২ চনত ৰাধাকৃষ্ণণ ভাৰতৰ ৰাষ্ট্ৰপতি নিৰ্বাচিত হয় । তেখেতে তেওঁৰ জীৱনত কৰ্মৰাজিৰ বাবে বিভিন্ন পুৰষ্কাৰেৰে সন্মানিত হৈছিল । ১৯৫৪ চনত ভাৰতৰ সৰ্বোচ্চ অসামৰিক সন্মান ভাৰত সৰ্বোচ্চ অসামৰিক সন্মান ভাৰত ৰত্ন বঁটা লাভ কৰে ।নিজকে এজন শিক্ষক হিচাপে পৰিচয় দি ভালপোৱা মহান দৰ্শনিক ভাৰতৰ প্ৰক্তন ৰাষ্ট্ৰপতি ড° সৰ্বপল্লী ৰাধাকৃষ্ণণে ১৯০৯ চনৰ এপ্ৰিল মাহত মাদ্ৰাজৰ‘প্ৰেচিডেন্সী কলেজ’ত অধ্যাপনা হিচাপে তেখেতৰ কৰ্ম জীৱনৰ পাতনি মেলে ।   ১৯১৮ চনত মহীশূৰ বিশ্ববিদ্যালত দৰ্শন বিষয়ৰ অধ্যাপক হিচাপে  । তাৰ  পিছত ‘কলিকতা বিশ্ববিদ্যালয়ত  দৰ্শন বিভাগৰ ‘King George V’ আসনৰ ‘Mental and Moral Science’ বিষয়ত যোগদান কৰে।  ১৯২৯ চনত  ‘মান্‌চেষ্টাৰ’কলেজত ‌অধ্যাপনা  কৰাৰ লগতে  তেখেতে‍ 'অক্সফ'ৰ্ড বিশ্ববিদ্যালত অধ্যাপক হিচাপে কাৰ্যনিৰ্বাহ কৰে ।  ১৯৩১ চনৰ পৰা ১৯৩৬ চনলৈকে ড° ৰাধাকৃষ্ণণে 'অন্ধ্ৰ বিশ্ববিদ্যালয়'ৰ উপাচাৰ্যৰূপে কাৰ্যনিৰ্বাহ কৰে।  ১৯৩৯ চনৰ পৰা ভাৰত স্বাধীন হোৱা কাললৈকে  'বেনাৰস হিন্দু বিশ্ববিদ্যালয়’ৰ উপাচাৰ্য হিচাপে থাকি শিক্ষা জ্যোতি বিলাই যায় । তেখেত যেতিয়া ভাৰতৰ ৰাষ্ট্ৰপতি হিচাপে নিৰ্বাচিত হয় তেতিয়া ৫ ছেপ্তেম্বৰৰ দিনাখন তেওঁৰ জন্মদিন পালনৰ বাবে এগৰাকী ছাত্ৰই অনুমতি বিচাৰিছিল । তেতিয়া মহান দৰ্শনিক  গৰাকীয়ে কৈছিল যে –মোৰ জন্মদিন পালন কৰিব বিচৰাটো মোৰ বাবে গৌৰৱৰ বিষয়  কিন্তু মই এই দিনটোক শিক্ষক দিৱস হিচাপে পালন কৰিলে  আৰু অধিক আনন্দিত হম ।  তেওঁ শিক্ষক বৃত্তিক  দেশৰ আটাইতকৈ শ্ৰেষ্ঠ  বৃত্তি বুলি অভিহিত কৰি কয় যে- "teachers should be the best minds in the country" ।  ১৯৬২ চনৰ ৫ ছেপ্তেম্বৰ পৰাই  সমগ্ৰ দেশতে নিৰবিশ্চিন্ন ভাবে এই দিনটোত শিক্ষক দিৱস হিচাপে পালন কৰি অহিছে ।