Kurluwane 29 tha poshór, Trói Tiwa Thiri-hari Chomot (ATWA).
#23 July,2019
Trói Tiwa Thiri-hari chomôte 29tha rape cholômane tin khûmur go manewa hóngga Morigaon, Gandhi Bhawano. ATWA cholômane tine phánalo Tiwa chate Kanthi-churi, mat pol arô chate shinak go akparê lángane pharîgo yá lang phido. 1990 poshóre 22 July tino Nagaon Tribal Rest Houso ATWA cholômdom.
Cholôma tin-go manewane pharî chidi pidî phrunge 9tha phoro ATWAne thandigo tidom Msjo. Junali Mithi, Chomôt kirî, ATWA. 10tha phoro Phidri konson láwa pharîgo yá langdom Msjo. Gouri Amsí, Kejam chomot kirî ATWA.
ATWAne Cholôma tin-go manêwane shumuw 11tha phoro kishá mel pharlanggo háje osa hóngdom. Pe pharlang melo ATWAne siwantha chomot kiri Msjo. Biphula Patar, Tiwa Autonomous Councile CEM Msa. Paban Manta, Trói Tiwa Sígaisa Chomôt chomôt (ATSU)ne sîwantha shalonkiri arô Assam sokare Director of Finance Msa. Hemanta Kr. Dewri, ATSU ne Chomôt kirî Msa. Dipen Mosrong, All Assam Tribal Youth League Chomot kirî Msa. Rimal Amsí, TMT ne shalonkiri Msa. Bidyutbikash Senapati, Tiwa Suraksha Samiti ne shalonkiri Msa. Sijoy Dewri, Tiwa Kanthi-churi Chomot (TCS)e Chomôt kirî Msa. Phukan Karkho, ADSFe shalonkiri Msa. Muhit Amsong arô tiwa chate chomot mane pisai pakhonaraw pantha láidom.
Comments
Post a Comment