Pharewnews

#১ ছেপ্টেম্বৰ ,২০১৯ ৰাজ্যৰ  শিক্ষা  বিভাগে  ২০১৯ বৰ্ষৰ প্ৰাথমিক আৰু  মাধ্যমিক পৰ্যায়ৰ   টিচাৰছ ইলিজিবিলিটি টেষ্ট চমুকৈ টে’ট পৰীক্ষাৰ বাবে  দিন ঘোষণা  কৰিছে ।   শিক্ষা পৰিষদে ২০১৯ বৰ্ষৰ প্ৰাথমিক আৰু  মাধ্যমিক পৰ্যায়ৰ   টিচাৰছ ইলিজিবিলিটি টেষ্ট পৰীক্ষাটো অহা ২০ অক্টোবৰত  অনুষ্ঠিত কৰিব ।ইচ্ছুক অৰ্হতা সম্পন্ন  প্ৰাৰ্থী সাকলে   টিচাৰছ ইলিজিবিলিটি টেষ্ট পৰীক্ষাৰ বাবে আহা  ২ ছেপ্টেম্বৰৰ  পৰা ১৭  ছেপ্টেম্বৰৰ ভিতৰত অনলাইনযোগে আবেদন কৰিব পাৰিব ।  অনলাইন আবেদন কৰাৰ সময়ত সাধাৰণ শ্ৰেণীৰ আৰু অন্যান্য পিছপৰা শ্ৰেণীৰ  পৰীক্ষাৰ্থী সকলে  ৩২৫ টকা আৰু অনুসূচীত জাতি আৰু অনুসূচীত জনজাতিৰ পৰীক্ষাৰ্থী সকলে ৩০০ টকা আবেদনমাচুল জমা দিব লাগিব ।  পৰীক্ষাৰ্থী সকলৰ বয়স নুন্যতম ১৮ বছৰ হ'ব লাগিব । প্ৰাৰ্থী সকলৰ শিক্ষাগত অৰ্হতা প্ৰাথমিক পৰ্যায়ৰ বাবে উচ্চতৰ মাধ্যমিক পৰীক্ষাত ৫০% নম্বৰ সহ  উত্তীৰ্ণ হ'ব লাগিব অৱশ্যে অনুসূচীত জাতি আৰু অনুসূচীত জনজাতিৰ প্ৰাৰ্থীৰ ক্ষেত্ৰত ৫% ৰেহাই দিয়া হ'ব । মাধ্যমিক পৰ্যায়ৰ বাবে ৫০% স্নাতক ডিগ্ৰীধাৰি হব লাগিব ।অৱশ্যে অনুসূচীত জাতি আৰু অনুসূচীত জনজাতিৰ প্ৰাৰ্থীৰ ক্ষেত্ৰত ৫% ৰ

#৩১ আগষ্ট, ২০১৯ ১৯৫১ চনতো অসমৰ জাতীয় জীৱনৰ বাবে এটা ঐতিহাসিক বছৰ আছিল । ১৯৫১ চনত   কোনোৱে হয়তো  ভবা  নাছিল এটা সময়ত ৫১ চনৰ নাগৰিক পঞ্জীখন উন্নীত কৰা হ'ব । বৃটিছ শাসনৰ সময়ত কেঁচা সোণৰ দেশ অসমলৈ বিভিন্ন  কামৰ বাবে বৃটিছ চৰকাৰে   বনুৱা ৰূপত ভাৰতৰ বিভিন্ন স্থানৰ পৰা লাখে লাখে লোক প্ৰৱজন কৰাবলৈ  ধৰিলে ।   স্বাধীনতাৰ পিছত লোকপ্ৰিয় গোপীনাথ বৰদলৈকে আদি কৰি অসম মুলুকৰ নেতা সকলে  অনুপ্ৰৱেশকাৰী আৰু প্ৰৱজনকাৰীৰ  ভয়াৱহতাক  বুজি ভাৰত চৰকাৰক হেঁচা প্ৰদান কৰি  অনুপ্ৰৱেশকাৰী প্ৰত্যাৱৰ্তন আইন ১৯৫০ প্ৰণয়ন কৰাবলৈ বাধ্য কৰাইছিল  । ইয়াৰ পিছত ১৯৫১ চনত স্বাধীনতা ভাৰতৰ প্ৰথমটো লোকপিয়ল আৰম্ভ হ'ল নাগৰিক পঞ্জীৰ কাম  । আই.এচ. বিষয়া আৰ.বি. ভাগাইৱালাৰ তত্বাৱধানত  ১৯৫১ চনত অসমৰ লগতে উত্তৰ পূৰ্বাঞ্চলত নাগৰিক পঞ্জীৰ কাম  সম্পন্ন কৰা হয় ।   অসমত পুনৰ  কিয় নাগৰিক পঞ্জীৰ উন্নীতকৰণৰ কাম কৰিব লগীয়া হ'ল হয়তো এই কথাটো বহুতে জানে ,  হয়তো বহুতে নাজানে । তাৰ বাবে আমি  উভতি যাব লাগিব ১৯৭১ চনলৈ । ১৯৭১ চনত পূৱপাকিস্তানৰ মুক্তি আন্দোলন , পূৱপাকিস্তানৰ পৰা জাকে জাকে  শৰণাৰ্থী আহি অসমত প্ৰৱেশ কৰে । অৱশ্যে পূৱপাকি

#৩১আগষ্ট,২০১৯ আৰক্ষী সঞ্চালক প্ৰধান কুলধৰ শইকীয়াৰ কাৰ্যকাল তিনি মাহৰ বাবে বৃদ্ধি কৰা হৈছে ।   শুকুৰবাৰে  কেন্দ্ৰীয় গৃহ মন্ত্ৰণালয়ে এক জাননী যোগে শইকীয়াৰ কাৰ্য্য কাল আৰু তিনিমাহৰ বাবে বৃদ্ধি কৰাৰ কথা ঘোষণা কৰে । উল্লেখ যে   বৰ্তমানৰ আৰক্ষী সঞ্চালক প্রধান কুলধৰ শইকীয়াই  ৩১ আগষ্ট অৰ্থাৎ আজি অৱসৰ গ্ৰহণ কৰাৰ কথা আছিল ।

#৩০ আগষ্ট,২০১৯  উচ্চতম ন্যায়ালয়ৰ কলেজিয়ামৰ মুৰব্বী তথা মুখ্য ন্যায়াধীশ ৰঞ্জন গগৈয়ে বৃহস্পতিবাৰে দেশৰ সৰ্বোচ্চ ন্যায়ালয়ৰ ন্যায়াধীশৰ পদৰ কাৰণে চাৰিজন ন্যায়াধীশক নিযুক্তি দিয়ে ৷ নিযুক্তি লাভ কৰা  ন্যায়াধীশ চাৰিজন ক্ৰমে বি ৰামা সুব্ৰমনিয়াম, কৃষ্ণা মুৰাৰী, এছ ৰবিন্দ্ৰা ভট্ট আৰু হৃষীকেশ ৰয় ৷ ইয়াৰে হৃষীকেশ ৰয়ৰ ঘৰ অসমত । উল্লেখ যে হৃষীকেশ ৰয়ে বৰ্তমান  কেৰেলা উচ্চ ন্যায়ালয়ৰ ন্যায়াধীশ হিচাপে কাৰ্যনিৰ্বাহ কৰি আছে । 

#২৯ আগষ্ট,২০১৯ ৰাজ্য চৰকাৰৰ শিক্ষা বিভাগে  হাইস্কুল আৰু উচ্চতৰ মাধ্যমিকত খালী হৈ থকা ৪০৬৭ টা পদৰ বাবে দিয়া বিজ্ঞাপন বাতিল কৰিছে । শিক্ষা বিভাগে গুৱাহাটী উচ্চ ন্যালয়ত শপতনামা আকাৰে এই কথা জনাই । ৰাজ্য চৰকাৰক একমাহৰ ভিতৰত টেট পৰীক্ষা অনুষ্ঠিত কৰিবলৈ উচ্চ ন্যায়ালয়ে নিৰ্দেশ দিছে ‌। 

#২৮ আগষ্ট,২০১৯ উৎকট গৰমে এতিয়া ৰাজ্যবাসীক দহিছে ৷ প্ৰখৰ ৰ'দৰ ফলত এতিয়া খেতি পথাৰত চিৰাল ফাঁট মেলিছে  । ইয়াৰ পৰা পৰিত্ৰাণ পাবলৈ জাগীৰোডৰ পশ্চিম নগাঁৱৰ তিৱা ৰাইজে পৰম্পৰাগত ৰীতি-নীতিৰে চোতাল খান্দি, চাৰিআলিৰ মুৰত ঢেঁকী পুতি ঢেঁকীৰ বিয়া পাতি  নেদেখাজনলৈ বুলি যোৱাকালি পুজাঅৰ্চনা  কৰে    ৷  গাঁৱৰ এজাক মহিলাই ঘৰে ঘৰে গৈ চোতাল খান্দি  জাকৈ-খালৈ,জাল-জুলুকি আদি চুৰ কৰি আনি এজাক বৰষুণৰ আশাত চাৰিআলিৰ মুৰত পথৰ দাঁঁতিত ঢেঁকী পুটি ঢেঁকী বিয়া পাতে ৷ গাঁৱৰ মহিলাসকলে  পৰম্পৰাগত ৰীতি নীতিৰে গাঁৱখনৰ ঘৰে ঘৰে চোতাল  খান্দি গৃহস্হৰ চোতালত প্ৰতিকীৰূপত এজন পুৰুষক ভেকুলী সাজাই বোকাৰে লুতুৰি-পুতুৰি কৰি বিভিন্ন পৰম্পৰাগত গীত জুৰি মহিলাৰ দলটোৱে  নৃত্য কৰি নেদেখাজনৰ ওচৰত বৰষুণ বিচাৰি প্ৰাৰ্থনা কৰে  ৷  উল্লেখ যে  বৰষুণ নহৈ খেতিপথাৰ নষ্ট হ'লে ভগৱানৰ ওচৰত বৰষুণ বিচাৰি  তিৱা সকলে পৰম্পৰাগত ঢেঁকী বিয়া বা ঢ়েঁকী পুটা অনুষ্ঠান পাতে । এনে কৰিলে বৰষুণ হয় বুলি তিৱা সকলৰ মাজত জনবিশ্বাস আছে । 

#২৮ আগষ্ট,২০১৯ অৰণ্য মানৱ, পদ্মশ্ৰী বঁটা প্ৰাপক যাদৱ পায়েঙলৈ ২০১৯ বৰ্ষৰ আনন্দৰাম একাডেমী  বঁটা আগবঢ়োৱা হৈছে ।  অহা ৫ ছেপ্টেম্বৰ তাৰিখে শিক্ষক দিৱসৰ দিনাই অৰণ্য মানৱ যাদৱ পায়ঙক অনুষ্ঠানিকভাবে এই বঁটা প্ৰদান কৰা হ'ব । 

#২৮ আগষ্ট,২০১৯ চূড়ান্ত এন.আৰ.চি. প্ৰকাশ পাবলৈ মাত্ৰ ৪৮ ঘণ্টা বাকী । অহা ৩১ আগষ্ট তাৰিখে প্ৰকাশ পাব লগীয়া  এন.আৰ.চিৰ চূড়ান্ত তালিকাত   আপোনাৰ নাম আহিছে নে  নাই সেয়া চাবলৈ এন.আৰ.চি. কতৃপক্ষই জাননী জাৰী কৰিছে । জনসাধাৰণৰ  যিকোনো সমস্যাৰ বাবে এন আৰ চি কতৃপক্ষই হেল্পলাইন নম্বৰ মুকলি কৰিছে  ।  হেল্পলাইন নম্বৰ কেইটা হৈছে - অসমৰ বাবে ১৫১০৭ আৰু বহিঃৰাজ্যৰ বাবে হেল্পলাইন নম্বৰ ১৮০০৩৪৫৩৭৬২ৰ সৈতে যোগাযোগ কৰিব পাৰিব । এন.আৰ.চি.  কৰ্তৃপক্ষৰ অফিচিয়েল ৱেবচাইট w.w.w.nrcassam.nic.in ত গৈ নিজৰ নাম চূড়ান্ত তালিকাত প্ৰকাশ পাইছে নে নাই তাক পৰীক্ষা কৰিব পাৰিব ।

#২৭ আগষ্ট,২০১৯ অসম নাগৰিক সমাজৰ উদ্যোগত নগাঁও কাগজ কলৰ আৰ্থিক ভাৱে দুৰ্বল ছাত্র-ছাত্ৰী সকলক আৰ্থিক  সাহায্য প্ৰদান । সোমবাৰে জাগীৰোড মহাবিদ্যালয়ৰ প্ৰেক্ষাগৃহত অনুস্থিত হোৱা এক বিশেষ অনুষ্ঠানত  অসম নাগৰিক সমাজে নগাঁও কাগজ কলৰ আৰ্থিক ভাৱে দুৰ্বল ৫২ জন  ছাত্র-ছাত্ৰীক   ১০,০০০ টকাকৈ    প্ৰায় ৫ লাখ টকা  এককালীন  আৰ্থিক সাহাৰ্য  প্ৰদান কৰে । আৰ্থিক দৈন্যতাই যাতে কাগজ কলটোৰ   ছাত্ৰ-ছাত্ৰী সকলৰ জ্ঞান অৰ্জনৰ পথত হেঙাৰ হ'ব নোৱাৰে তাৰ বাবে এই ব্যৱস্থা গ্ৰহণ কৰিছে ।  উক্ত সাহায্য সভাত উপস্থিত থাকে অসম নাগৰিক সমাজৰ সম্পাদক  পৰেশ মালাকাৰ , উপ সভাপতি তথা অসমৰ  জেষ্ঠ সাংবাদিক  প্ৰসান্ত ৰাজগুৰু , বিত্তীয় সম্পাদক   সিদ্ধাৰ্থ  দাস , জাগীৰোড মহাবিদ্যালয়ৰ অধ্যক্ষ ড° ভৱেন চন্দ্ৰ  নেওগকে আদি কৰি অসমৰ কেইবাজনো বিশিষ্ট ব্যক্তি উপস্থিত থাকে । অসম নাগৰিক সমাজৰ এই মহৎ পদক্ষেপক  নগাঁও কাগজ কলৰ সমূহ ৰাইজে সলাগ  লৈছে  ।

#২৬ আগষ্ট,২০১৯ তপন ডেকা হ'ব ৰাজ্যৰ পৰৱৰ্তী আৰক্ষী সঞ্চালক প্ৰধান । অহা ১ ছেপ্টেম্বৰত তাৰিখে ১৯৯৮৮ বৰ্ষৰ ভাৰতীয় আৰক্ষী সেৱা বিষয়া তপন ডেকাই  ৰাজ্যৰ পৰৱৰ্তী আৰক্ষী সঞ্চালক প্ৰধান হিচাপে দ্বায়িত্বভাৰ গ্ৰহণ কৰিব  । তপন ডেকা বৰ্তমান আই.বিৰ উত্তৰ পূৰ্বৰ যুটীয়া সঞ্চালকৰ দ্বায়িত্বত আছে । একালৰ সদৌ অসম ছাত্র সন্থাৰ   নেতাৰ  তপন ডেকা এতিয়া অসমৰ আৰক্ষী সঞ্চালক প্ৰধান হিচাপে দ্বায়িত্ব গ্ৰহণ কৰিব ।  ডেকই  বৰ্তমানলৈকে কেইবাটাও ৰাষ্ট্ৰীয়- আন্তঃৰাষ্ট্ৰীয় উগ্ৰপন্থী বিৰোধী অভিযানৰ নেতৃত্ব দিছিল  । উল্লেখ যে অহা ৩১ আগষ্ট তাৰিখে বৰ্তমানৰ আৰক্ষী সঞ্চালক প্ৰধান কুলধৰ শইকীয়াই অবসৰ গ্রহণ কৰিব  ।

#২৫ আগষ্ট,২০১৯ ভাৰত-বাংলাদেশ সীমান্তৱৰ্তী অসম-মেঘালয় সীমান্তৰ কেইবাটাও অঞ্চলত মহামাৰীয়ে দেখা দিছে । অসম-মেঘালয় সীমান্তৰ  মানকাছাৰ মহেন্দ্ৰগঞ্জ আদি বিভিন্ন অঞ্চলত   খজুৱতি ৰোগে মহামাৰীৰ ৰূপ  ধৰণৰ কৰিছে । অঞ্চল দুটাৰ  হাজাৰ হাজাৰ লোক খজুৱতি ৰোগত আক্ৰান্ত হৈ হাহাকাৰ কৰিব লগীয়া হৈছে । বিগত দুই বছৰ ধৰি ভাৰত-বাংলাদেশ সীমান্তৱৰ্তী অসম-মেঘালয় সীমান্ত অঞ্চলটোত এই  ৰোগৰ প্ৰাৰ্দুভাব হৈছে। পুৰুষ, মহিলা, শিশু, বৃদ্ধ সকলোৰে দেহত এই ৰোগে দেখা দিছে । এই ৰোগ  বতাহৰ বেগেৰে ইখনৰ পিছত  সিখন গাঁৱলৈ ভয়াবহ ৰূপত বিয়পিবলৈ ধৰিছে । উপযুক্ত চিকিৎসাৰ অভাৱত এতিয়া অঞ্চলটোৰ ৰাইজ যন্ত্ৰণাত জীৱন অতিবাহিত কৰিব লগীয়া হৈছে । এই ৰোগ এটা এলেকাত নাথাকি চাৰিও দিশে সংক্ৰমণ হোৱাৰ পূৰ্ণ সম্ভাৱনা আছে।    

#২৪ আগষ্ট,২০১৯ কৰ্নাটকৰ আছে  পৃথক ৰাজ্য পতাকা । কৰ্নাটকৰ জনতাৰ বহুদিনিয়া দাবী এটা যোৱা বছৰ   কৰ্নাটক চৰকাৰে পূৰ্ণ কৰে । যোৱা  কৰ্নাটক চৰকাৰে ৮ মাৰ্চ ২০১৮ তাৰিখে   কৰ্নাটক ৰাজ্যৰ বাবে এখন সুকীয়া পতাকা ঘোষণা কৰি এটা ঐতিহাসিক সিদ্ধান্ত গ্ৰহণ কৰে । কৰ্নাটকৰ তেতিয়াৰ  মুখ্যমন্ত্ৰী চিদ্দা ৰামায়াই  এক সংবাদমেল যোগেদি  এই কথা সদৰী কৰে । কৰ্নাটকৰ ৰাজ্য পতাকা খন ওপৰত  হালধীয়া, মাজত  বগা আৰু তলত  ৰঙা এই তিনিটা ৰঙেৰে গঠিত  ।  বগা ৰঙৰ মাজত কৰ্নাটক ৰাজ্যৰ  প্ৰতীক চিহ্নটো আছে । কৰ্নাটক চৰকাৰে গঠন কৰি দিয়া ৯ জনীয়া  পতাকা কমিটিয়ে  এই পতাকাখন  প্ৰস্তুত কৰি  উলিয়াইছিল  ।  তেতিয়াৰে পৰা এই পতাকিখনে কৰ্নাটক ৰাজ্যক প্ৰতিনিধিত্ব কৰি আহিছে  ।  

#২৪ আগষ্ট,২০১৯ প্ৰাক্তন বিত্তমন্ত্ৰী অৰুণ জেটলী আৰু নাই । আজি কিছু সময় পূৰ্বে  প্ৰাক্তন কেন্দ্ৰীয় মন্ত্ৰীগৰাকীয়ে  এইমছত  শেষ নিশ্বাস ত্যাগ   কৰে  ।  মৃত্যুৰ সময়ত তেখেতৰ বয়স আছিল ৬৬ বছৰ। যোৱা ৯ আগষ্ট তাৰিখৰ পৰা  প্ৰাক্তন বিত্তমন্ত্ৰী গৰাকী এইমছত  চিকিৎসাধীন হৈ আছিল।

#২২ আগষ্ট,২০১৯ গুৱাহাটী উচ্চ ন্যায়ালয়ে চিকিৎসা বিজ্ঞানৰ প্ৰৱেশ পৰীক্ষাকলৈ এক  গুৰুত্বপুৰ্ণ ৰায় প্ৰদান কৰিছে । গুৱাহাটী উচ্চ ন্যায়ালয়ৰ ৰায় অনুসৰি এতিয়াৰে পৰা উচ্চ  মাধ্যমিকৰ চূড়ান্ত পৰীক্ষাত  ৫০ শতাংশ নম্বৰ থাকিলে  মেডিকেলৰ প্ৰৱেশ পৰীক্ষাত অৱতীৰ্ণ হ’বলৈ যোগ্যতা অৰ্জন কৰিব  । মেডিকেল কলেজ এডমিচন ৰুল ২০১৭ বিধি ৪(২)(চি) খাৰিজ কৰি গুৱাহাটী উচ্চ ন্যায়ালয়ে এই ৰায় প্ৰদান কৰে । মেডিকেলৰ প্ৰৱেশ পৰীক্ষাত অৱতীৰ্ণ হ’বৰ বাবে সৰ্বভাৰতীয় পৰ্যায়ত ৫০ শতাংশ নম্বৰ লাগিছিল যদিও অসমৰ ক্ষেত্ৰত উচ্চ মাধ্যমিক পৰীক্ষাত ৬০ শতাংশ নম্বৰ লাভ কৰা সকলেহে যোগ্যতা অৰ্জন কৰিছিল  । গুৱাহাটী উচ্চ ন্যায়ালয়ৰ ৰায় অনুসৰি এতিয়াৰে পৰা উচ্চ মাধ্যমিকত  পদাৰ্থ বিজ্ঞান, ৰসায়ন বিজ্ঞান, জীৱ বিজ্ঞান আৰু ইংৰাজীত ৫০ শতাংশ পালে মেডিকেলৰ প্ৰৱেশ পৰীক্ষাত অৱতীৰ্ণ হ’ব পাৰিব ।

#২১আগষ্ট,২০১৯ ভাৰত চৰকাৰে  গোলা বাৰুদৰ কাৰখানাক ব্যক্তিগত কৰাৰ প্ৰস্তুতিৰ বিৰুদ্ধে  ৰক্ষা মন্ত্ৰালয়ৰ কৰ্মচাৰী সকলে প্ৰতিবাদী কাৰ্যসূচী গ্ৰহণ কৰিছে । ভাৰত চৰকাৰৰ ৰক্ষা মন্ত্ৰালয়ৰ অধীনৰ  ডিফেঞ্চ প্ৰডাকচন বিভাগৰ গোলা-বাৰুদৰ কাৰখানা সমূহক ব্যক্তিগত কৰণৰ সিদ্ধান্তৰ বিৰুদ্ধে যোৱা ২০ আগষ্টৰ পৰা ২০ ছেপ্টেম্বৰলৈ  তিনিটা মজদুৰ সংগঠনে প্ৰতিবাদী কাৰ্যসূচী গ্ৰহণ কৰিছে । ভাৰতৰ সেনা,অৰ্ধসামৰিক বাহিনী আৰু আৰক্ষীৰ বাহিনীৰ বাবে প্ৰয়োজনীয় সামগ্ৰী সমূহ যেনে বন্দুক, বাৰুদ ,বোলেটপ্ৰ'ফ জেকেট , সেনাৰ গাড়ী আদি বিভিন্ন সামগ্ৰী প্ৰস্তুত কৰা Ordnance Factory Board ক কেন্দ্ৰীয় চৰকাৰে ৰক্ষা মন্ত্ৰালয়ৰ এটা বিভাগ হিচাপে নাৰাখি ব্যক্তিগতকৰণ কৰিব বিচৰাৰ বিৰুদ্ধে কাৰখানা  ভাৰতীয় প্ৰতিৰক্ষা মজদুৰ সংঘ , অল' ইণ্ডিয়া ডিফেঞ্চ এমপ্লই ফেডাবেশ্বন আৰু ইণ্ডিয়ান নেচনেল ডিফেঞ্চ ৱৰ্কাৰ ফেডাবেশ্বনে   প্ৰতিবাদ সাব্যস্ত কৰিছে । এই বিভাগটোৰ অধীনত থক ৪১ কাৰখানাত ১  লাখ ২৫ হাজাৰ কৰ্মচাৰী নিয়োগ হৈ আছে । উল্লেখ যে Ordnance Factory Board ৰ কাৰখানা সমূহত উৎপাদিত সামগ্ৰীৰ ৮০% সেনাই আৰু বাকী ২০% অৰ্ধসামৰিক বাহিনী আৰু আৰক্ষীৰ বাহি

#২০আগষ্ট,২০১৯ ৰাজ্যৰ শিক্ষা বিভাগে মাদ্ৰাছা টেটত উত্তীৰ্ণ সকলৰ নিযুক্তিৰ বাবে প্ৰস্তুতি  চলাইছে ।  মাধ্যমিক শিক্ষা সঞ্চালকালয়ে  বিদ্যালয় পৰিদৰ্শক সকললৈ মাদ্ৰাছা শিক্ষক নিযুক্তি সন্দৰ্ভত  এক গুৰুত্বপূৰ্ণ জাননী জাৰি কৰিছে । মাধ্যমিক শিক্ষা সঞ্চালকালয়ে যোৱা ১৭ আগষ্ট তাৰিখে   বিদ্যালয় পৰিদৰ্শক সকলৰ পৰা তেওঁলোকৰ চাৰ্কোলৰ অধীনৰ  মাদ্ৰাছা সমূহত খালী হৈ থকা পদ সমূহৰ তথ্য দহ দিনৰ ভিতৰত জমা দিবলৈ নিৰ্দেশ দিছে । উচ্চ ন্যায়ালয়ে  যোৱা মাহৰ ২২ তাৰিখে  মাদ্ৰাছা  টেট সংক্ৰান্তত চলি  গোচৰৰ অন্তিম শুনানী গ্ৰহণ কৰি মাদ্ৰাছা টেট উত্তীৰ্ণ সকলৰ  নিযুক্তি প্ৰক্ৰিয়া অতি শীঘ্ৰে  আৰম্ভ কৰিবলৈ শিক্ষা বিভাগক নিৰ্দেশনা দিয়ে । উল্লেখ যে ২০১৫ চনত অনুষ্ঠিত হোৱা মাদ্ৰাছা টেটত  ১৮০০০ পৰীক্ষাৰ্থী উত্তীৰ্ণ হৈছিল । তাৰ পিছতে ঠিকাভিত্তীক শিক্ষকে টেট উত্তীৰ্ণ সকলৰ নিযুক্তিত আপত্তি দৰ্শাই উচ্চ ন্যায়ালয়ত আবেদন কৰিছিল । উচ্চ ন্যায়ালয়ৰ ৰায় টেট উত্তীৰ্ণ সকলৰ পক্ষত অহাৰ পিছত এতিয়া মাদ্ৰাছা টেট উত্তীৰ্ণ সকলৰ নিযুক্তিৰ পথ  মসৃণ  হৈছে । 

#২০আগষ্ট,২০১৯ বৰপেটা জিলাৰ প্ৰাদেশীকৃত  উচ্চ মাধ্যমিক বিদ্যালয় সমূহত খালী হৈ থকা মুঠ ৫০০ পদৰ বাবে বৰপেটা জিলা বিদ্যালয় পৰিদৰ্শকৰ কাৰ্য্যালয়ে ইচ্ছুক অৰ্হতা সম্পন্ন প্ৰাৰ্থীৰ পৰা আবেদন বিচাৰি  বিজ্ঞাপন জাৰি কৰিছে । ইচ্ছুক প্ৰাৰ্থী সকলে বিদ্যালয় পৰ্যায়ত আবেদন কৰিব পাৰিব। পদৰ নাম - গ্ৰেজুৱেট  শিক্ষক  এই পদৰ বাবে প্ৰাৰ্থীৰ শিক্ষাগত অৰ্হতা স্বীকৃতিপ্ৰাপ্ত বিশ্ববিদ্যালয়ৰ পৰা ৫০% নম্বৰ সহ স্নাতকোত্তৰ ডিগ্ৰীধাৰি হ'ব লাগিব লগতে স্বীকৃতিপ্ৰাপ্ত বিশ্ববিদ্যালয়ৰ পৰা  বি এড ডিগ্ৰীধাৰি আৰু উচ্চতৰ মাধ্যমিক টেট পৰীক্ষাত উত্তীৰ্ণ হ'ব লাগিব । উক্ত পদৰ বাবে দৰমহাৰ নিৰিখ ১৪,০০০ টকাৰ পৰা ৬০,৫০০ টকালৈ লগতে ৮৭০০ টকা গ্ৰেট পে আৰু অন্যান্য বনাচ সমূহ থাকিব । খালী হৈ থকা ৫০০ পদৰে ৫৯টা পদ সাধাৰণ শ্ৰেণীৰ বাবে ,২১১ টা পদ অন্যান্য পিছপৰা আৰু অতি পিছপৰা শ্ৰেণীৰ বাবে , ৫৯ টা পদ অনুসূচীত জাতিৰ , ৯৭ টা পদ অনুসূচীত জনজাতি (ভৈয়াম) , ৩৬ টা পদ অনুসূচীত জনজাতি (পাহাৰ) , ৩৮টা  পদ  পি.ডব্লিউ. ডি. শ্ৰেণীৰ বাবে সংৰক্ষিত । ইচ্ছুক প্ৰাৰ্থী সকলে অহা  ২৭/৮/২০১৯ তাৰিখৰ ভিতৰত আবেদন জমা কৰিব পাৰিব। অধিক সহায়ৰ বাবে www.mad

#১৯আগষ্ট,২০১৯ অসমৰ আগশাৰীৰ শিক্ষা প্ৰতিষ্ঠান  গুৱাহাটী বিশ্ববিদ্যালয়ত আজি নতুন উপাচাৰ্য নিযুক্তি দিয়া হয় । অসমৰ ৰাজ্যপাল   জগদীশ মুখীয়ে আজি অধ্যাপক প্ৰতাপ জ্যোতি সন্দিকৈক গুৱাহাটী বিশ্ববিদ্যালয়ৰ উপাচাৰ্য ৰূপে নিযুক্তি প্ৰদান কৰে। বিশ্ববিদ্যালয়খনৰ বৰ্তমানৰ উপাচাৰ্য মৃদুল হাজৰিকাৰ কাৰ্যকাল অন্ত পৰাত ৰাজ্যপাল জগদীশ মুখীয়ে  অধ্যাপক  প্ৰতাপ জ্যোতি সন্দিকৈক উপাচাৰ্য পদত নিযুক্তি প্ৰদান কৰে। উল্লেখ যে প্ৰতাপ জ্যোতি সন্দিকৈ গুৱাহাটী বিশ্ববিদ্যালয়ৰ বায়’ টেকন’লজি বিভাগৰ অধ্যাপক।

#১৯ আগষ্ট,২০১৯ আধুনিক অসমীয়া কবিতাক নতুন মাত্ৰা প্ৰদান কৰা বিশিষ্ট কবি নীলমণি ফুকনক ডি লিট সন্মান প্ৰদান কৰা হয় ।  ডিব্ৰুগড় বিশ্ববিদ্যালয়ে বিশিষ্ট কবি জনক সোমবাৰে  ডি লিট সন্মানেৰে সন্মানিত কৰে । সোমবাৰে বিশ্ববিদ্যালয়খনৰ উপাচাৰ্য আৰু পঞ্জীয়কে বিশিষ্ট কবি গৰাকীৰ বাসগৃহত উপস্থিত হৈ এই সন্মান প্ৰদান কৰে।

#১৯ আগষ্ট,২০১৯ অসম উচ্চ মাধ্যমিক আৰু উচ্চতৰ মাধ্যমিক টেট উত্তীৰ্ণ প্ৰাৰ্থী সকলৰ বাবে এটা সুখবৰ । টেট নিযুক্তি সমিতিয়ে উচ্চ মাধ্যমিক আৰু উচ্চতৰ মাধ্যমিক টেট উত্তীৰ্ণ প্ৰমাণপত্ৰৰ ম্যাদ ৭ বছৰলৈ বৃদ্ধি কৰিছে । ইয়াৰ পূৰ্বে উচ্চ মাধ্যমিক আৰু উচ্চতৰ মাধ্যমিক টেট  উত্তীৰ্ণ  প্ৰমাণপত্ৰৰ ম্যাদ ৫ বছৰ আছিল । ইয়াৰ লগে লগে উচ্চ মাধ্যমিক টেট পৰীক্ষাত উত্তীৰ্ণ প্ৰমাণ পত্ৰৰ ম্যাদ  ০৯-০৬-২০২০ লৈ আৰু উচ্চতৰ মাধ্যমিক টেট উত্তীৰ্ণ প্ৰমাণপত্ৰৰ ম্যাদ  ১৪-০৬-২০২১ লৈ বৃদ্ধি হৈছে । 

#১৭ আগষ্ট,২০১৯ বিশিষ্ট শিক্ষাবিদ, ভাষাবিদ, লিখক টাবু টাইড আৰু নাই ।  আজি পুৱা ৭.৩০ বজাত গুৱাহাটী স্থিত  এপল’ হাস্পতালত চিকিৎসাধীন হৈ থকা অৱস্থাত শিক্ষাবিদ গৰাকীয়ে ৭৭ বছৰ বয়সত   শেষ নিশ্বাস ত্যাগ কৰে । বিশিষ্ট শিক্ষাবিদ গৰাকীক ৰাজ্যিক মৰ্যদাৰে শেষ কৃত সম্পাদন কৰা হ'ব । অসমৰ বৌদ্ধিক সমাজক দীৰ্ঘদিন ধৰি নেতৃত্ব দি অহা বিশিষ্ট শিক্ষাবিদ গৰাকীৰ বিয়োগত ৰাজ্যবাসীয়ে গভীৰ শোক প্ৰকাশ । উল্লেখ যে ভাষাৰ গৱেষক গৰাকী যোৱা ৩ আগষ্টৰ পৰা গুৱাহাটী এপ’ল’ হাস্পতালত চিকিৎসাধীন হৈ আছিল ।

#১৭আগষ্ট,২০১৯ কেন্দ্ৰীয় মাধ্যমিক শিক্ষা পৰিষদে ২০১৯ বৰ্ষৰ প্ৰাথমিক আৰু  মাধ্যমিক পৰ্যায়ৰ  চেন্ট্ৰেল টিচাৰছ ইলিজিবিলিটি টেষ্ট চমুকৈ চি-টে’ট পৰীক্ষাৰ বাবে  দিন ঘোষণা  কৰিছে ।   কেন্দ্ৰীয় মাধ্যমিক শিক্ষা পৰিষদে ২০১৯ বৰ্ষৰ প্ৰাথমিক আৰু  মাধ্যমিক পৰ্যায়ৰ  চেন্ট্ৰেল টিচাৰছ ইলিজিবিলিটি টেষ্ট পৰীক্ষাটো অহা ৮ ডিচেম্বৰত  অনুষ্ঠিত কৰিব । ইচ্ছুক অৰ্হতা সম্পন্ন  প্ৰাৰ্থী সাকলে  চেন্ট্ৰেল টিচাৰছ ইলিজিবিলিটি টেষ্ট পৰীক্ষাৰ বাবে আহা  ১৯ আগষ্টৰ পৰা ১৮ ছেপ্টেম্বৰৰ ভিতৰত অনলাইনযোগে আবেদন কৰিব পাৰিব ।  অনলাইন আবেদন কৰাৰ সময়ত সাধাৰণ শ্ৰেণীৰ আৰু অন্যান্য পিছপৰা শ্ৰেণীৰ  পৰীক্ষাৰ্থী সকলে  ৭০০টকা আৰু অনুসূচীত জাতি আৰু অনুসূচীত জনজাতিৰ পৰীক্ষাৰ্থী সকলে ৩৫০ টকা আবেদনমাচুল জমা দিব লাগিব । প্ৰাথমিক আৰু  মাধ্যমিক দুয়োটা পৰীক্ষা দিব বিচৰা সাধাৰণ শ্ৰেণীৰ আৰু অন্যান্য পিছপৰা শ্ৰেণীৰ  পৰীক্ষাৰ্থী সকলে  ১২০০টকা আৰু অনুসূচীত জাতি আৰু অনুসূচীত জনজাতিৰ পৰীক্ষাৰ্থী সকলে ৬০০ টকা আবেদনমাচুল জমা দিব লাগিব । পৰীক্ষাৰ্থী সকলে  আবেদন মাচুল সমূহ ক্ৰেডিট কাৰ্ড , ডেবিড  কাৰ্ড আৰু নেট বেংকিঙৰ জড়িয়তে  অহা ২৩ ছেপ্টেম্বৰৰ বিয়

#১৬ আগষ্ট,২০১৯ কাৰ্বি আংলং জিলাৰ বকলীয়াঘাটৰ  ৰজাপথাৰ তিনিআলি লালুংগাঁঁৱৰ  শিশু চিত্ৰ শিল্পী অৰ্ণৱ দাৰফাঙক উদীয়মান শিল্পী বটাঁ প্ৰদান কৰা হয় । দেশৰ  ৭৩ সংখ্যক  স্বাধীনতা দিৱসৰ  লগত সংগতি ৰাখি কাৰ্বি আংলং জিলা প্ৰশাসনে শিশু চিত্ৰশিল্পী গৰাকীক এই বঁটাৰে সন্মানিত কৰে । কাৰ্বি আংলং জিলা প্ৰশাসনে  ডিফু চৰকাৰী মহাবিদ্যালয় খেলপথাৰত কেন্দ্ৰীয় ভাবে আয়োজন কৰা স্বাধীনতা দিৱসৰ কাৰ্য্যসূচীত এই বঁটা প্ৰদান কৰে । 

#১৬আগষ্ট,২০১৯ ভাৰতৰ  প্ৰতিবেশী ৰাষ্ট্ৰ চীনৰ চেংডুনত যোৱা  ৮ আগষ্টৰ পৰা  অনুষ্ঠিত  হৈ থকা ৱৰ্ল্ড পুলিছ এণ্ড ফায়াৰ গেমছত পুনৰ উজ্জ্বলি উঠিল অসম আৰক্ষীৰ আন এগৰাকী বীৰাঙ্গনা । আৰ্চাৰীৰ মহিলাৰ পৰম্পৰাগত শাখাত অসম আৰক্ষীৰ বীৰাঙ্গনা পল্লৱী নাৰ্জাৰীয়ে স্বৰ্ণ পদক অৰ্জন  কৰি ৰাজ্যখনৰ লগতে  দেশলৈ গৌৰৱ কঢ়িয়াই আনিছে ।  পল্লৱী নাৰ্জাৰীৰ সফলতাই   অসম আৰক্ষীৰ লগতে  সমগ্ৰ  দেশবাসীক গৌৰাম্বিত কৰিছে  । উল্লেখ যে পল্লৱী নাৰ্জাৰীৰ  পূৰ্বে অসম আৰক্ষীৰ আন এগৰাকী বীৰাঙ্গনা থুনলাই নাৰ্জাৰীয়ে  একেখন প্ৰতিযোগিতাতে শ্বটপুটত  স্বৰ্ণ পদক অৰ্জন কৰিছিল । দুয়ো গৰাকী ক্ৰীড়াবিদৰ সফলতাত  অসমবাসীয়ে গৌৰৱ অনুভৱ কৰিছে । 

#১৬ আগষ্ট,২০১৯ অসম প্ৰাদেশীকৃত উচ্চ মাধ্যমিক আৰু উচ্চতৰ মাধ্যমিক বিদ্যালয় সমূহত খালী হৈ থকা ৪০৬৭ টা  শিক্ষক পদৰ বাবে অৰ্হতা সম্পন্ন ইচ্ছুক প্ৰাৰ্থীৰ পৰা আবেদন বিচৰা হৈছে ।  খালী হৈ থকা পদ সমূহ হৈছে - সহকাৰী শিক্ষক ৩৭২২ টা পদ  আৰু বিষয় শিক্ষক ৩৪৫ টা  পদৰ । সহকাৰী শিক্ষক - মুঠ পদৰ সংখ্যা ৩৭২২ টা । এই পদৰ বাবে প্ৰাৰ্থীৰ শিক্ষাগত অৰ্হতা স্বীকৃতিপ্ৰাপ্ত বিশ্ববিদ্যালয়ৰ পৰা ৫০% নম্বৰ সহ স্নাতক ডিগ্ৰী ধাৰি হ'ব লাগিব লগতে স্বীকৃতিপ্ৰাপ্ত বিশ্ববিদ্যালয়ৰ পৰা   বি.এড ডিগ্ৰীধাৰি আৰু উচ্চ মাধ্যমিক টেট পৰীক্ষাত উত্তীৰ্ণ হ'ব লাগিব । এই পদৰ বাবে দৰমহাৰ নিৰিখ ১৪০০০ টকাৰ পৰা ৬০,৫০০টকালৈ লগতে ৮৭০০ টকা  গ্ৰেট পে থাকিব । বিষয় শিক্ষক- মুঠ পদৰ সংখ্যা ৩৪৫ টা  । এই পদৰ বাবে প্ৰাৰ্থীৰ শিক্ষাগত অৰ্হতা স্বীকৃতিপ্ৰাপ্ত বিশ্ববিদ্যালয়ৰ পৰা ৫০% নম্বৰ সহ স্নাতকোত্তৰ ডিগ্ৰীধাৰি হ'ব লাগিব লগতে স্বীকৃতিপ্ৰাপ্ত বিশ্ববিদ্যালয়ৰ পৰা  বি এড ডিগ্ৰীধাৰি আৰু উচ্চতৰ মাধ্যমিক টেট পৰীক্ষাত উত্তীৰ্ণ হ'ব লাগিব । এই পদৰ বাবে দৰমহাৰ নিৰিখ ২২০০০ টকাৰ পৰা ৮৭,৫০০টকালৈ লগতে ১১৮০০ টকা গ্ৰেট পে থাকিব ।   উপৰোক্

#১৫ আগষ্ট ,২০১৯   স্বাধীনত দিৱসৰ দিনাই মহিলা সকলৰ বাবে আহিল এটা সুখৰ । দিল্লী চৰকাৰে  ৭৩ সংখ্যক স্বাধীনতা দিৱসৰ দিনাই  মহিলা  সকলৰ বাছ যাত্ৰা বিনামূলীয়া কৰাৰ কথা ঘোষণা কৰে ।  দিল্লীৰ মুখ্যমন্ত্ৰী অৰবিন্দ কেজৰিৱালে অহা  ২৯ অক্টোবৰৰ পৰা দিল্লীৰ  মহিলাসকলে  ডি.টি.চি আৰু ক্লষ্টৰ বাছত  বিনা  যাত্ৰা  কৰিব পাৰিব বুলি ঘোষণা কৰে ।

#14 Agosto chónai 2019 ## Bharat tes sadhin (independent) hóngane 72 poshór porewa aro sadhin mánane tin go manewane shumuw Asam tahale shídai kirirawgo, khel khéla phonarawgo aro rójawa táma shúpane ojarawgo muk poshon osane pharigo Asam Sorkar yá láido. Hebene shumuw lo chingé Tiwa chata mushín bo kishá mûjura lána phona kumún pathrá phido. Tiwa chate Kanthi-churine phaso ektápe nang thàwa aro Tiwa chate kurlúwane pharigo yá láng tháwa Tiwa Kanthi-churi Chomot (TCS)e chomot kiri kejam muktonga Msa. Subhen Bordoloi Tarphanggo sajá nam sholewa rójawa aro táma shúpane oja honmandí 50,000/- thaga os mandî Asam sorkare phána muk poshon osa mushín rai rído. Tiwa chate phána Msa. Subhen Bordoloi Tarphanggo pega muk poshon osane khun sógol Tiwa chat lo mon króido aro Asam sorkargo khágode sêwago osdo.         Arobô aro 'Pharew News' mahare phána bo muktonga Msa. Subhen Bordoloi Tarphanggo pega muk poshon mánane khun sewa pangái osdo arô pene hán thí chiw phran pegalo kumún hóng

#১৪আগষ্ট,২০১৯ আন্তঃৰাষ্ট্ৰীয় ক্ৰীড়া ক্ষেত্ৰত উজ্জ্বলি উঠিল অসম আৰক্ষীৰ বীৰাঙ্গনা । চীনৰ চেংডুনত অনুষ্ঠিত হোৱা  ৱৰ্ল্ড পুলিছ এণ্ড ফায়াৰ গেমছৰ শ্বটপুটত বিংশ অসম আৰক্ষী (আই আৰ) বেটেলিয়নত কৰ্মৰত    থুনলাই নাৰ্জাৰীয়ে স্বৰ্ণ পদক  অৰ্জন কৰে । স্বাধীনতা দিৱসৰ প্ৰাগক্ষণত  থুনলাই নাৰ্জাৰীৰ সফলতাত   ৰাজ্যৰ লগতে সমগ্ৰ দেশবাসীয়ে  গৌৰৱ অনুভৱ কৰিছে ।  দেশলৈ সন্মান কঢ়িয়াই  অনা অসম আৰক্ষীৰ  বীৰাঙ্গনা থুনলাই নাৰ্জাৰীক মুখ্য মন্ত্ৰী সৰ্বানন্দ সোণোৱালে আন্তৰিক অভিনন্দন জ্ঞাপন কৰে । 

#১৩ আগষ্ট   কেন্দ্ৰীয় মাধ্যমিক শিক্ষা পৰিষদ (Central Board of Secondary Education বা CBSE)ৰ অধীনত থকা চৰকাৰী বিদ্যালয় সমূহৰ অনুসূচীত জাতি আৰু অনুসূচীত জনজাতিৰ ছাত্ৰ-ছাত্ৰী সকলৰ দশম আৰু দ্বাদশ শ্ৰেণীৰ পৰীক্ষাৰ মাচুল পূৰ্বৰ তুলনাত  ২৪ শতাংশ বৃদ্ধি কৰিছে ।   কেন্দ্ৰীয় মাধ্যমিক শিক্ষা পৰিষদৰ  অধীনৰ চৰকাৰী বিদ্যালয় সমূহত পূৰ্বে  দশম আৰু দ্বাদশ   শ্ৰেণীৰ পৰীক্ষাৰ মাচুল  অনুসূচিত জাতি আৰু অনুসূচিত জনজাতিৰ ছাত্ৰ-ছাত্ৰী সকলে ৫০ টকা মাচুল  দিব লগীয়া হৈছিল।  কিন্তু বৰ্তমান  নতুন নিৰিখ অনুসৰি  এতিয়াৰ পৰা অনুসূচীত জাতি আৰু অনুসূচীত জনজাতি ছাত্র-ছাত্ৰী সকলে ১২০০ টকা মাচুল জমা দিব লগীয়া হ’ব। আনহাতেদি সাধাৰণ শ্ৰেণীৰ ছাত্ৰ-ছাত্ৰী সকলে পূৰ্বৰ ৭৫০ টকাৰ  পৰা বৰ্তমান  ১৫০০ টকা মাচুল জমা দিব লাগিব । পূৰ্বৰ নিৰিখৰ মতে মাচুল জমাদিয়া সকলে বৰ্তমানৰ নতুন  নিৰিখৰ মতে  বাকী থকা ধন আদায় দিব লাগিব নহলে পঞ্জীয়ন নহব অথবা পৰীক্ষাৰ পৰা বঞ্চিত হব লগা হ'ব পাৰে   । আনহাতে  উপৰঞ্চি এটা বিষয়ত পৰীক্ষা দিব খোজা অনুসূচীত জাতি আৰু অনুসূচীত জনজাতি ছাত্র-ছাত্ৰী সকলে  ৩০০ টকা অতিৰিক্ত দিব লাগিব, সাধাৰণ বৰ্গৰ ছাত্ৰ-ছ

#১৩আগষ্ট,২০১৯ হোষ্টেলত থাকি শিক্ষা গ্ৰহণ কৰা ছাত্র-ছাত্ৰী সকলৰ বাবে এটা ভাল খবৰ । অসম চৰকাৰে হোষ্টেলৰ আবাসী সকলৰ খোৱা খৰচৰ বাবদ বছৰী ১০ মাহৰ বাবে  মাহে ৭০০ টকাকৈ দিয়াৰ সিদ্ধান্ত গ্ৰহণ কৰিছে । ইতিমধ্যে অসম উচ্চ শিক্ষা সঞ্চালকালয়ে এই সন্দৰ্ভত  যোৱা ৮ আগষ্ট তাৰিখে ৰাজ্যখনৰ বিশ্ববিদ্যালয়ৰ আৰু মহাবিদ্যালয় সমূহলৈ  এখন জাননী জাৰি কৰিছে । *কোন কোন বিশ্ববিদ্যালয়ৰ আৰু মহাবিদ্যালয়ত ছাত্ৰ-ছাত্ৰী সকলে এই সুবিধা লাভ কৰিব পাৰিব  ? অসম উচ্চ মাধ্যমিক শিক্ষা সঞ্চালকালয়ৰ নিৰ্দেশনা অনুসৰি  - *গুৱাহাটী বিশ্ববিদ্যালয় *ডিব্ৰুগড় বিশ্ববিদ্যালয় *কটন বিশ্ববিদ্যালয় *বড়লেণ্ড বিশ্ববিদ্যালয় *ৰবীন্দ্ৰনাথ ঠাকুৰ বিশ্ববিদ্যালয় *মাধৱদেৱে বিশ্ববিদ্যালয় *ভট্টদেৱ বিশ্ববিদ্যালয় * কে.বি.ভি.এচ.এণ্ড এ ষ্টাদিচ বিশ্ববিদ্যালয়, চৰকাৰী মহাবিদ্যালয় আৰু  প্ৰাদেশিকৃত মহাবিদ্যালয় সমূহৰ হোষ্টেলৰ আবাসী সকলে  এই সুবিধা লাভ কৰিব ।