এছ চি/এছ টি ছাত্র-ছাত্ৰীয়ে ভৰিব লাগিব ২৪ গুণ বেছি পৰীক্ষাৰ মাচুল
#১৩ আগষ্ট
কেন্দ্ৰীয় মাধ্যমিক শিক্ষা পৰিষদ (Central Board of Secondary Education বা CBSE)ৰ অধীনত থকা চৰকাৰী বিদ্যালয় সমূহৰ অনুসূচীত জাতি আৰু অনুসূচীত জনজাতিৰ ছাত্ৰ-ছাত্ৰী সকলৰ দশম আৰু দ্বাদশ শ্ৰেণীৰ পৰীক্ষাৰ মাচুল পূৰ্বৰ তুলনাত ২৪ শতাংশ বৃদ্ধি কৰিছে । কেন্দ্ৰীয় মাধ্যমিক শিক্ষা পৰিষদৰ অধীনৰ চৰকাৰী বিদ্যালয় সমূহত পূৰ্বে দশম আৰু দ্বাদশ শ্ৰেণীৰ পৰীক্ষাৰ মাচুল অনুসূচিত জাতি আৰু অনুসূচিত জনজাতিৰ ছাত্ৰ-ছাত্ৰী সকলে ৫০ টকা মাচুল দিব লগীয়া হৈছিল।
কিন্তু বৰ্তমান নতুন নিৰিখ অনুসৰি এতিয়াৰ পৰা অনুসূচীত জাতি আৰু অনুসূচীত জনজাতি ছাত্র-ছাত্ৰী সকলে ১২০০ টকা মাচুল জমা দিব লগীয়া হ’ব। আনহাতেদি সাধাৰণ শ্ৰেণীৰ ছাত্ৰ-ছাত্ৰী সকলে পূৰ্বৰ ৭৫০ টকাৰ পৰা বৰ্তমান ১৫০০ টকা মাচুল জমা দিব লাগিব । পূৰ্বৰ নিৰিখৰ মতে মাচুল জমাদিয়া সকলে বৰ্তমানৰ নতুন নিৰিখৰ মতে বাকী থকা ধন আদায় দিব লাগিব নহলে পঞ্জীয়ন নহব অথবা পৰীক্ষাৰ পৰা বঞ্চিত হব লগা হ'ব পাৰে ।
আনহাতে উপৰঞ্চি এটা বিষয়ত পৰীক্ষা দিব খোজা অনুসূচীত জাতি আৰু অনুসূচীত জনজাতি ছাত্র-ছাত্ৰী সকলে ৩০০ টকা অতিৰিক্ত দিব লাগিব, সাধাৰণ বৰ্গৰ ছাত্ৰ-ছাত্ৰী সকলে একোটা অতিৰিক্ত বিষয়ৰ বাবে পূৰ্বেৰ ১৫০ টকাৰ পৰিবৰ্তে বৰ্তমান ৩০০ টকা দিব লাগিব । উল্লেখ যে ইয়াৰ পূৰ্বে অতিৰিক্ত পৰীক্ষাৰ বাবে অনুসূচীত জাতি আৰু অনুসূচীত জনজাতি ছাত্র-ছাত্ৰী সকলে কোনোধৰণৰ মাচুল দিব লাগিয়া নহৈছিল । লক্ষণীয় কথাটো হ'ল কেন্দ্ৰীয় মাধ্যমিক শিক্ষা পৰিষদে নতুনকৈ মাচুল বৃদ্ধি কৰাৰ ফলত সাধাৰণ বৰ্গৰ শিক্ষাৰ্থী আৰু অনুসূচীত জাতি আৰু অনুসূচীত জনজাতি শিক্ষাৰ্থীৰ মাচুল প্ৰায় সমান হৈছেগৈ।
Comments
Post a Comment