সাৱধান হওঁক নহলে আপুনি মূহুৰ্ততে হ'ব পাৰে সৰ্বশ্ৰান্ত

#৬আগষ্ট,২০১৯

ষ্টেট বেংক অব ইণ্ডিয়াই তেওঁলোকৰ গ্ৰাহক সকলৰ সুৰক্ষাৰ স্বাৰ্থত  সতৰ্কবাণী দিছে ।  বিভিন্ন সময়ত  নেট বেংকিঙৰ জৰিয়তে একাংশ দুষ্ট চক্ৰই  গ্ৰাহকৰ বেংক একাউণ্টৰ পৰা ধন হৰলুকী কৰি আছে ।  এই ক্ষেত্ৰত ষ্টেট বেংক অব ইণ্ডিয়াৰ কৰ্তৃপক্ষই গ্ৰাহক সকলক সতৰ্ক কৰি দি কিছু নিৰ্দেশনা জাৰি কৰিছে । আপোনাৰ বেংক একাউণ্টট  কোনো ধৰণৰ  খেলিমেলি থাকিলে , আপোনাৰ সৈতে কোনো প্ৰৱঞ্চনাৰ ঘটনা ঘটিলে বা অনধিকাৰ অনলাইন লেনদেন হ’লে  শীঘ্ৰে বেংকৰ কৰ্তৃপক্ষৰ  সৈতে যোগাযোগ কৰিবলৈ আহ্বান জনাইছে । ইয়াৰ বাবে ষ্টেট বেংক অব ইণ্ডিয়াই  1800112211 আৰু 18004253800 দুটা টোল ফ্ৰী নম্বৰ মুকলি কৰি দিছে । কোনো ধৰণৰ অসুবিধাৰ সন্মুখীন হলে এই নম্বৰ দুটাত  ফোন কৰি আপোনাৰ অভিযোগ দাখিল কৰিব পাৰিব ।