গোলা বাৰুদৰ কাৰখানাক ব্যক্তিগতকৰণ কৰাৰ বিৰুদ্ধে প্ৰতিবাদ
#২১আগষ্ট,২০১৯
ভাৰত চৰকাৰে গোলা বাৰুদৰ কাৰখানাক ব্যক্তিগত কৰাৰ প্ৰস্তুতিৰ বিৰুদ্ধে ৰক্ষা মন্ত্ৰালয়ৰ কৰ্মচাৰী সকলে প্ৰতিবাদী কাৰ্যসূচী গ্ৰহণ কৰিছে । ভাৰত চৰকাৰৰ ৰক্ষা মন্ত্ৰালয়ৰ অধীনৰ ডিফেঞ্চ প্ৰডাকচন বিভাগৰ গোলা-বাৰুদৰ কাৰখানা সমূহক ব্যক্তিগত কৰণৰ সিদ্ধান্তৰ বিৰুদ্ধে যোৱা ২০ আগষ্টৰ পৰা ২০ ছেপ্টেম্বৰলৈ তিনিটা মজদুৰ সংগঠনে প্ৰতিবাদী কাৰ্যসূচী গ্ৰহণ কৰিছে । ভাৰতৰ সেনা,অৰ্ধসামৰিক বাহিনী আৰু আৰক্ষীৰ বাহিনীৰ বাবে প্ৰয়োজনীয় সামগ্ৰী সমূহ যেনে বন্দুক, বাৰুদ ,বোলেটপ্ৰ'ফ জেকেট , সেনাৰ গাড়ী আদি বিভিন্ন সামগ্ৰী প্ৰস্তুত কৰা Ordnance Factory Board ক কেন্দ্ৰীয় চৰকাৰে ৰক্ষা মন্ত্ৰালয়ৰ এটা বিভাগ হিচাপে নাৰাখি ব্যক্তিগতকৰণ কৰিব বিচৰাৰ বিৰুদ্ধে কাৰখানা ভাৰতীয় প্ৰতিৰক্ষা মজদুৰ সংঘ , অল' ইণ্ডিয়া ডিফেঞ্চ এমপ্লই ফেডাবেশ্বন আৰু ইণ্ডিয়ান নেচনেল ডিফেঞ্চ ৱৰ্কাৰ ফেডাবেশ্বনে প্ৰতিবাদ সাব্যস্ত কৰিছে ।
এই বিভাগটোৰ অধীনত থক ৪১ কাৰখানাত ১ লাখ ২৫ হাজাৰ কৰ্মচাৰী নিয়োগ হৈ আছে । উল্লেখ যে Ordnance Factory Board ৰ কাৰখানা সমূহত উৎপাদিত সামগ্ৰীৰ ৮০% সেনাই আৰু বাকী ২০% অৰ্ধসামৰিক বাহিনী আৰু আৰক্ষীৰ বাহিনীয়ে ক্ৰয় কৰাৰ লগতে কিছু পৰিমাণে সামগ্ৰী বিদেশলৈ পঠিওৱা হয় ।
Comments
Post a Comment