কৰ্নাটকৰ আছে পৃথক ৰাজ্য পতাকা

#২৪ আগষ্ট,২০১৯

কৰ্নাটকৰ আছে  পৃথক ৰাজ্য পতাকা । কৰ্নাটকৰ জনতাৰ বহুদিনিয়া দাবী এটা যোৱা বছৰ   কৰ্নাটক চৰকাৰে পূৰ্ণ কৰে । যোৱা  কৰ্নাটক চৰকাৰে ৮ মাৰ্চ ২০১৮ তাৰিখে   কৰ্নাটক ৰাজ্যৰ বাবে এখন সুকীয়া পতাকা ঘোষণা কৰি এটা ঐতিহাসিক সিদ্ধান্ত গ্ৰহণ কৰে । কৰ্নাটকৰ তেতিয়াৰ  মুখ্যমন্ত্ৰী চিদ্দা ৰামায়াই  এক সংবাদমেল যোগেদি  এই কথা সদৰী কৰে । কৰ্নাটকৰ ৰাজ্য পতাকা খন ওপৰত  হালধীয়া, মাজত  বগা আৰু তলত  ৰঙা এই তিনিটা ৰঙেৰে গঠিত  ।  বগা ৰঙৰ মাজত কৰ্নাটক ৰাজ্যৰ  প্ৰতীক চিহ্নটো আছে । কৰ্নাটক চৰকাৰে গঠন কৰি দিয়া ৯ জনীয়া  পতাকা কমিটিয়ে  এই পতাকাখন  প্ৰস্তুত কৰি  উলিয়াইছিল  ।  তেতিয়াৰে পৰা এই পতাকিখনে কৰ্নাটক ৰাজ্যক প্ৰতিনিধিত্ব কৰি আহিছে  ।